27 қыркүйекте Алматыда Орталық Азиядағы ең ірі жүгіру жарысы – 15-ші мерейтойлық Almaty Marathon өтті. Биыл жарысқа 66 елден 16 000 қатысушы жиналды.
Мұндай жарыстардың әрқайсысының өз атмосферасы бар: таңғы ерте уақыт, старт алдындағы тар дәліз, ортақ толқу және күмәндануға уақыт қалмай, тек алға қарай жүру керек болатын сол бір сәт.
АЛИДИ қызметкерлері де спорт мерекесінің бір бөлігіне айналды:
• Батыржан Мукенов
• Алексей Миронов
• Аружан Сатқали
• Динара Кырыкбаева
• Таисия Панкова
• Гүлсім Ермахан
• Виталий Калиниченко
Салауатты өмір салты – АЛИДИ-дің жыл сайынғы эко-бағдарламасының бір бөлігі. Әріптестеріміз бұл бағытты өз үлгісімен қолдайды.
Жеті қатысушының алтауы жартылай марафонға қатысты, ал бір қызметкер 10 шақырымдық қашықтықты таңдады. Көпшілігі үшін бұл алғашқы осындай тәжірибе болды: спорттық разрядтары да, көп жылдық жаттығу тәжірибесі де жоқ, есесіне өз мүмкіндігін сынап, жаңа сынақты қабылдауға деген ниеті бар.
Әркімнің өз жүгірісі, қарқыны және нәтижесі болды. Мәре сызығынан кейін барлығы бірге кездесіп, әңгімелесіп, әсерлерімен бөлісіп, суретке түсті.
Сервис-менеджер Таисия Панкова жарыстан кейінгі сезімдерімен бөлісті:
«Мені эмоциялар биледі – қуаныштан көзіме жас келіп, өзіме деген мақтаныш сезімі болды. Мұны жасай алғаным – өзімді жеңген нағыз жеңіс болды. Командамен бірге жүгіру өте керемет әрі жігерлендіреді: жалғыз емес екеніңді түсінесің – жаныңда сені қолдайтын адамдар бар. Мен міндетті түрде жалғастырып, жаңа жарыстарға қатысып, алдыма жаңа мақсаттар қойғым келеді!»
АЛИДИ командасын құттықтаймыз! Табандылықтарыңыз бен энергияларыңыз үшін рақмет. Жетістіктерге ұмтылуға шабыт беріп жүрсіздер.